Social and Equity

සිවිල් වැසියන් සහ හමුදා සාමාජිකයන් අතර පවතින සබඳතාවයන් තවදුරටත් ඉහළ නැංවීමේ අරමුණින් යුද හමුදාව මගින් ක්‍රියාත්මක කරන ව්‍යාපෘතිවල ප්‍රතිඵල ලෙසින් මේ වනවිට ආරක්‍ෂක සේනා මූලස්ථානය - මුලතිව් යටතේ සේවයේ නියුතු භටපිරිස්හි තාක්‍ෂණික විශේෂඥතාවය සහ ශ්‍රම දායකත්වයෙන් නිවාස අවශ්‍යතා සහිත සිවිල් වැසියන් වෙනුවෙන් නව නිවාස 207 ක් ඉදිකර එම පවුල් වෙත පවරා දී තිබේ.

මේ දිනවල පවතින දැඩි වියලි කාලගුණික තත්වය නිසා හැකි තරම් ජලය පානය කිරීම සුදුසු යැයි වෛද්‍යවරු පවසති.

අඹන්ගඟ කෝරළයේ හා රත්තොට ප්‍රාදේශීය ලේකම් කොට්ඨාශයේ පදිංචි ගම්මිරිස් වගාකරුවන්ගේ ගැටලු සොයා බැලිම සඳහා සහ රත්තොට සමුපකාර ග්‍රාමීය බැංකුවට ගම්මිරිස් පිරිසිදු කිරිමේ නව උපකරණ ලබාදීම කෘෂිකර්ම අමාත්‍ය ගරු මහින්ද අමරවීර මැතිතුමාගේ හා කෘෂිකර්ම රාජ්‍ය අමාත්‍ය කාදර් මස්තානා මැතිතුමාගේ ප්‍රධානත්වයෙන් ඊයේ (05) රත්තොට අඹගස්තැන්න ප්‍රදේශයේ පැවත්විණි.

දිවයිනේ වෙනත් විහාරස්ථාන හා දේවාලයන්හී පෙරහැර අවසන්වී ඇති බැවින් මෙවර ඇසළ පෙරහර මංගල්‍යය සඳහා අලි ඇතුන් වැඩි පිරිසක් සහභාගී කරවා ගත හැකි යැයි ශ්‍රී දළදා මාලිගායේ දියවඩන නිලමේ ප්‍රදීප් නිලංග දෑල මහතා පවසයි.

ඊශ්‍රායලයේ සාත්තු සේවක රැකියා සදහා සුදුසුකම් ලැබූ ශ්‍රමිකයින් විසි දෙදෙනක්ට කම්කරු හා විදේශ රැකියා අමාත්‍ය මනුෂ නානායක්කාර මහතා අතින් අද(8) ගුවන් ටිකට්පත් ප්‍රදානය කරනු ලැබූ අතර මේ වසරේදී ශ්‍රමිකයින් 241 දෙනෙක් ඊශ්‍රායලයේ සාත්තු සේවක රැකියා සදහා පිටත් කර යවා තිබේ.

කෘෂිකර්ම දෙපාර්තමේන්තුව විසින් මෙරට කෘෂිකාර්මික ක්ෂේත්‍රයේ සංවර්ධනය සඳහා නව සොයා ගැනීම් රැසක් කර තිබෙන බව කෘෂිකර්ම අමාත්‍ය මහින්ද අමරවීර මහතා පැවසීය.

ගන්නොරුව පැළෑටි හා ජාන සම්පත් මධ්‍යස්ථානයේ දී පසුගියදා නව එළවළු ප්‍රභේද තුනක් සහ පෝෂණ ගුණයෙන් ඉහළ සෝයා යෝගට් විශේෂයකුත් හඳුන්වා දුන්නා.

Hordi Bean 3
• මෙම නමින් බෝංචි ප්‍රභේදයක් කෘෂිකර්ම හඳුන්වා දී තිබෙනවා. මෙහි විශේෂත්වය නම් අස්වැන්න - 27 t/ha , නව නිර්දේශිත Hordi පොකුරු තක්කාලි ප්‍රභේද 02 මෙම පොකුරු තක්කාලි ප්‍රභේදයේ විශේෂත්වය වන්නේ ඝනකමැති මතුපිට පොත්තක් තිබීමයි. එමනිසා කල් තබා ගැනීම පහසුවන අතර හෙක්ටයාර් එකකට ටොන් 61ක පමණ අස්වැන්නක් ලබා ගත හැකියි. ගෙඩියක බර ග්‍රෑම් 85-100 පමණ වේ. ඝනකම් ඵලාවරණයක් සහිත ඵල දරන බැවින් කල් තබා ගැනීමේ හැකියාව වැඩිය.
• තද රතු පහැති මාංශයක් පවතින අතර ව්‍යංජන, සලාදවලට අමතරව ජෑම්,සෝස් වැනි සැකසූ ආහාර සදහාද සුදුසු වේ.
• ආරක්ෂිත ගෘහ තුල වගා කිරීමට වඩාත් යෝග්‍ය වේ
• මෙම ප්‍රභේදයේ බීජ නිශ්පාදනය කිරීමේ කටයුතු සහ ප්‍රභේදය ජනතාව අතර ප්‍රචලිත කිරීමේ කටයුතු මේ වන විට ක්‍රියාත්මක වෙමින් පවතී. Hordi Mushroom Curly ඇමරිකන් ඔයිස්ටර් හා ඇබලෝනි යන බිම්මල් වර්ග දෙක යොදා ගනිමින් මෙම Hordi Mushroom Curly නැමැති බිම්මල් විශේෂය හදා තිබෙනවා. ප්‍රොටීන් බහුල මෙම විශේෂය වගාව සඳහා ගොවීන්ට හඳුන්වා දීමට පියවර ගෙන තිබෙනවා. සෝයා යෝගට් දරුවන්ගේ ඌණ පෝෂණ තත්ත්වය වළක්වා ගැනීම සඳහා පළමුවරට මෙරට නිෂ්පාදනය කෙරෙන සෝයා
යෝගට් ද හඳුන්වා දීම සිදු කළා. මෙම යෝගට්වල විශේෂත්වය නම් අඩු මුදලකට නිෂ්පාදනය කළ හැකි වීමත්, මෙය ප්‍රෝටීන් බහුල වීමත්ය.

මහනුවර සහ කටුගස්තොට අතර දුම්රිය මාර්ගයේ නඩත්තු කටයුත්තක් හේතුවෙන් 2023 අගෝස්තු මස 18 දින මධ්‍යම රාත්‍රියේ සිට අගෝස්තු මස 21 දින පෙරවරු 4.00 දක්වා කාල සීමාව තුළ මාතලේ සහ මහනුවර අතර දුම්රිය ධාවනය තාවකාලිකව නවතා දැමෙන බව දුම්රිය දෙපාර්තමේන්තුව සඳහන් කරයි.

අනපේක්ෂිත වැසි රහිත කාලගුණික තත්ත්වය නිසා කෘෂිකාර්මික අවශ්‍යතා වෙනුවෙන් අවශ්‍ය ජලය සමනළවැව ජලාශයෙන් නිකුත් කිරීමට සහ විදුලිබල උත්පාදනයට සිදුවන බලපෑම කළමනාකරණය කර ගැනීම සම්බන්ධයෙන් විශේෂ සාකච්ඡාවක් විදුලිබල හා බලශක්ති අමාත්‍ය කංචන විජේසේකරගේ ප්‍රධානත්වයෙන් ඊයේ පැවැත්වීණි.

මුලතිව් දිස්ත්‍රික්කයේ ඔඩ්ඩුසුඩාන් ප්‍රාදේශීය ලේකම් කොට්ඨාසයේ කුලාමුරිප්පු, කච්චිලෛයිමඩු, කතලියාරු, ඕලුමඩු යන ප්‍රදේශවල ඉදිකළ නැනෝ ජල පිරිපහදු මධ්‍යස්ථාන විවෘත කිරීම ඊයේ (03) නාගරික සංවර්ධන හා නිවාස අමාත්‍ය ප්‍රසන්න රණතුංග මහතාගේ ප්‍රධානත්වයෙන් සිදු කෙරුණි.

ඉදිරි මාස කිහිපය තුළ දිවයිනේ අනෙකුත් ආදිවාසී ගම්මානවල ජීවත්වන ආදිවාසී ජනතාවට මතුව ඇති ගැටලු පිළිබඳ සොයා බැලීමට එම ගම්මානවලට පැමිණෙන බවත්, අපේ රටේ උරුමක්කාරයන් වූ ආදිවාසී ජනතාව තවදුරටත් කරුමක්කාරයන් නොවිය යුතු බවත් බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතා සඳහන් කරයි.

පැවති කුරිරු යුධමය වතාවරණයක් සමඟ කැඩී බිඳී දිරාපත් වු තලෙයි මන්නාරම ජැටිය යළි ප්‍රතිසංස්කරණය කොට රාමේෂ්වරන් සිට පැමිණෙන මගී සංචාරක යාත්‍රා සඳහා පහසුකම් සැපයීමේ වරායක් ලෙස සංවර්ධනය කිරීමට රජය සැලසුම් කර තිබේ.

රතුගල ආදිවාසී නායක සුදා වන්නිල ඇත්තෝ අග්‍රාමාත්‍ය දිනේෂ් ගුණවර්ධන මහතා අද (04) මොණරාගලදී හමු විය.