ශ්රී ලංකාවේ පළමු පෞද්ගලික රෝහල ලෙස ඩර්ඩන්ස් රෝහලේ සැබෑ ජයග්රහණය පවතින්නේ එය රෝහලක් නිසා පමණක්ම නොව සමස්ත ආයතනයක් ලෙස ඔවුන් රටට ගෙනෙන අභිමානය තුළ බව ජනාධිපති රනිල් වික්රමසිංහ මහතා පැවසීය.
ලෝකයේ තාක්ෂණික දියුණුව සමඟ ඉදිරියට යන ලෙස ඩර්ඩන්ස් රෝහලෙන් ඉල්ලීමක් කළ ජනාධිපතිවරයා, කෘත්රිම බුද්ධිය (AI) ඇතුළු නව තාක්ෂණික ක්රමයන්ට ශ්රී ලංකාව ළඟා වීමේ අවශ්යතාව ද අවධාරණය කළේය. නවෝත්පාදන හා තාක්ෂණික අභියෝගවලට මුහුණ දීමට හැකි වන සේ රටේ සෞඛ්ය සේවා පද්ධතිය ශක්තිමත් කිරීම සඳහා නවීන තාක්ෂණය කේන්ද්ර කරගත් තාක්ෂණික විශ්වවිද්යාල පිහිටුවීමේ සැලසුම් පිළිබඳව ද ජනාධිපති රනිල් වික්රමසිංහ මහතා සඳහන් කළේය.
ජනාධිපතිවරයා මේ බව සඳහන් කර සිටියේ ඊයේ (12) කොළඹ ඩර්ඩන්ස් රෝහලේ “ඇල්ෆ්රඩ් හවුස් වින්ග්” නව ගොඩනැගිල්ල විවෘත කිරීම සහ ඩර්ඩන්ස් රෝහලේ ඉතිහාසය සහ ගමන් මග පිළිබඳ රචිත ” Journey of Care ” කෘතිය (Coffee Table Book) එළිදැක්වීමේ උත්සවයේ ප්රධාන දේශනය පවත්වමිනි.
ඩර්ඩන්ස් රෝහල ඉදිකිරීම් ක්ෂේත්රයට සහ මෙරට සෞඛ්ය ක්ෂේත්රයට ලබා දෙන සුවිශේෂී දායකත්වය ඇගයීමට ලක් කළ ජනාධිපති රනිල් වික්රමසිංහ මහතා ඉදිකිරීම් ක්ෂේත්රයේ සිට සෞඛ්ය සේවයට සංක්රමණය වීමේදී මුහුණ දීමට සිදු වන අභියෝග හමුවේ, එවැනි පරිවර්තනයක් මගින් සමස්ත පෞද්ගලික සෞඛ්ය සේවා පද්ධතියම නවීකරණයට ලක් කළ හැකි බව පෙන්වා දීම සම්බන්ධයෙන් ද ඩර්ඩන්ස් රෝහලට ප්රශංසාව පළ කළේය. අති නවීන තාක්ෂණය සෞඛ්ය ක්ෂේත්රයට හදුන්වාදීම සඳහා ඩර්ඩන්ස් රෝහලේ කැපවීම ද මෙහිදී ජනාධිපතිවරයාගේ ඇගයීමට ලක් විය.
පෞද්ගලික රෝහල්වලට සමාන්තරව රජයේ රෝහල්වල කළමනාකරණය වැඩිදියුණු කිරීමේ අවශ්යතාව පෙන්වා දුන් ජනාධිපතිවරයා පිරිවැය ඉතිරි කිරීමේ මුලපිරීම් මගින් සෞඛ්ය සේවා පද්ධතියට නැවත ආයෝජනයන් සිදු කිරිම සම්බන්ධයෙන් ඩර්ඩන්ස් රෝහලට ප්රශංසා කළේය. ඉදිරි වසර කිහිපය තුළ රජයේ රෝහල්වල කළමනාකරණ කටයුතු වැඩිදියුණු කිරීමට කැපවන බව ද ජනාධිපතිවරයා ප්රකාශ කළේය.
නවීන තාක්ෂණයත් සමග ශීඝ්රයෙන් වෙනස්වීම්වලට භාජනය වන වෛද්ය ක්ෂේත්රය පිළිබඳව අදහස් පළ කළ ජනාධිපති රනිල් වික්රමසිංහ මහතා වෛද්ය ක්ෂේත්රයේ නිරන්තරයෙන් සිදුවන නව සොයාගැනීම් හමුවේ මෙරට සෞඛ්ය ක්ෂේත්රයේ සිදු විය යුතු යාවත්කාලීන කිරීම් සඳහා ආයෝජන අඛණ්ඩව පවත්වා ගැනීම අත්යවශ්ය බව ද සඳහන් කළේය.
පසුගිය දශකයේ සෞඛ්ය ක්ෂේත්රය අත් කර ගෙන ඇති ප්රගතිය පෙර පරම්පරාවල දක්නට ලැබුණු ප්රගතිය අභිබවා ගොස් ඇති බව ද ජනාධිපති රනිල් වික්රමසිංහ මහතා සඳහන් කළේය.
ඩර්ඩන්ස් රෝහලේ සභාපති අජිත් තුඩාවේ මහතා ඇතුළු රෝහලේ අධ්යක්ෂ මණ්ඩලය විසින් ලබාදුන් ආදර්ශය අන් අය ද අනුගමනය කරනු ඇතැයි ජනාධිපති වික්රමසිංහ මහතා සිය විශ්වාසය පළ කළ අතර මෙම විශිෂ්ඨ ආයතනය ගොඩනැගීමට දායක වූ සමස්ත රෝහල් කණ්ඩායමට ස්තුතිය පළ කර සිටියේය.
“ඇල්ෆ්රඩ් හවුස් වින්ග්” නව ගොඩනැගිල්ල විවෘත කිරීමේ අවස්ථාව සනිටුහන් කරමින් ඩර්ඩන්ස් රෝහලේ සභාපති අජිත් තුඩාවේ මහතා විසින් “Journey of Care” කෘතිය ජනාධිපති රනිල් වික්රමසිංහ මහතා වෙත පිළිගැන්වීම ද මෙහිදී සිදුවිය.
රාජ්ය අමාත්ය තාරක බාලසූරිය, පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා, හිටපු කථානායක කරු ජයසූරිය , ඩර්ඩන්ස් රෝහලේ සභාපතිවරයා, අධ්යක්ෂ මණ්ඩලය සහ කාර්ය මණ්ඩලය ඇතුළු සම්භාවනීය ආරාධිතයින් රැසක් මෙම අවස්ථාවට එක්ව සිටියහ.
දිනෙන් දින උග්ර වන රිළා උවදුරට පිළියම් ලෙස රිළවුන් වන්ධ්යකරණයට ලක් කිරීමේ වැඩපිළවෙළක් සකස් කිරීමට රජයට යෝජනාවක් ඉදිරිපත් කරන බව ක්රීඩා හා යෞවන කටයුතු රාජ්ය ඇමැති රෝහණ දිසානායක මහතා පැවසීය.
ආරක්ෂක ලේකම් ජෙනරල් කමල් ගුණරත්න ඊයේ (සැප් 12) සවස පැපිලියාන සුනේත්රා දේවි පිරිවෙන් මහා විහාරයේදී දීඝවාපි සෑ රදුන්ගේ සර්වඥ ධාතුන් වහන්සේලා සහ චූඩා මාණික්යය වැඳපුදා ගත්තේය.
රහස් පොලිසියේ හතරවැනි තට්ටුවේ රඳවා සිටින හරක් කටා ගිනි අවියක් පැහැරගෙන රහස් පොලිසියේ කොස්තාපල්වරයකුගේ සහයෙන් පලා යෑමට ගත් තැතක් වළකා ගැනීමට හැකි වී ඇත.
කැලණිය ප්රදේශයේ රැකියා විරහිත තරුණ තරුණියන්ගේ රැකියා සිහිනය මල්ඵල ගැන්වීම සඳහා විදේශ රැකියා සහ වෘත්තීය මාර්ගෝපදේශන පොළක් රාජ්ය අමාත්ය සිසිර ජයකොඩි මහතාගේ ප්රධානත්වයෙන් කැලණිය සංස්කෘතික මධ්යස්ථානයේදී පසුගියදා පැවැත්විණි.
වත්තල, කෙරවලපිටිය කසළ අංගනය අපද්රව්ය කළමණාකරණ උද්යානයක් ලෙස සංවර්ධනය කෙරේ.
අපරාධ පරීක්ෂණ දෙපාර්තමේන්තු පරිශ්රය තුළදී හරක් කටා ප්රශ්න කිරීම සඳහා රැගෙනවිත් සිටි අවස්ථාවේදී ඔහුව වැසිකිළිය වෙත රැගෙන ගිය පොලිස් කොස්තාපල්වරයා මේ වනවිට අතුරුදන්ව සිටින බව පොලීසිය සඳහන් කරයි.
මත්පැන් භාවිතා කර රිය ධාවනය කරන රියදුරන් හඳුනාගැනීම සඳහා මෙතෙක් සිදුකරන ලද පරීක්ෂණ තවදුරටත් පුළුල් කිරීමේ අරමුණින් මත්ද්රව්ය භාවිතා කර රිය පදවන රියදුරන් හඳුනාගැනීම සඳහා විශේෂ පරීක්ෂණ උපකරණ කට්ටලයක් භාවිතයෙන් නියමු ව්යාපෘතියක් බස්නාහිර පළාත තුළ ක්රියාත්මක කෙරිණි.
වරාය හා සම්බන්ධ වන දේශීය හා විදේශීය ගණුදෙනුකරුවන්ට වඩාත් පහසු වන අයුරින් වරාය සේවාවන් පිළිබඳව තොරතුරු ලබාදීමටත් වරායේ ක්රියාදාමයන් පිළිබඳව ජනතාව දැනුවත් කිරීමත් අරමුණු කර ගනිමින් 1984 වරාය විමසුම් මධ්යස්ථානය පසුගියදා වරාය, නාවික හා ගුවන් සේවා අමාත්ය නිමල් සිරිපාල ද සිල්වා මහතාගේ ප්රධානත්වයෙන් විවෘත කෙරිණි.
අනුරාධපුර, තඹුත්තේගම ජල සම්පාදන ව්යාපෘතිය පසුගියදා මුදල් රාජ්ය අමාත්ය ශෙහාන් සේමසිංහ මහතාගේ නිරීක්ෂණයට ලක්විය.
වැඩිපුරම විෂවීම් අද වන විට වාර්තා වන්නේ ගෘහාශ්රිතව බව කොළඹ ජාතික රෝහලේ ජාතික විෂ තොරතුරු මධ්යස්ථානයේ ප්රධානී කායික රෝග විශේෂඥ වෛද්ය රවී ජයවර්ධන මහතා පවසයි.
අ.පො.ස උ/පෙළ 2021 හා 2022 විභාගයෙන් විශිෂ්ට දක්ෂතා දැක්වූ දරුවන් ඇගයීම ජනාධිපති රනිල් වික්රමසිංහ හා අග්රාමාත්ය දිනේෂ් ගුණවර්ධන මහත්වරුන්ගේ ප්රධානත්වයෙන් ජනාධිපති කාර්යාලයේදී අද (12) සිදුවිය.
දෙස් විදෙස් සංචාරක ආකර්ෂණය දිනා ගත් පොළොන්නරුව දිස්ත්රික්කයේ "උණු දිය පොකුණු" පිහිටි මහවැලි "බී" කලාපයට අයත් නෙළුම් වැවේ සහ ඊට යාබදව ඇති බොරවැවේ, රිදීපොකුණ වැවේ ආක්රමණික ජලජ ශාක (පාසි) ඉවත් කිරීමේ විශේෂ වැඩසටහනක් පසුගියදා සිවිල් ආරක්ෂක දෙපාර්තමේන්තුවේ මැදිහත්වීමෙන් පැවැත්විණ.
මහියංගණය රඹකැන් ඔය පොල්ලෙබැද්ද ප්රදේශයේ පිහිටි සිය පාරම්පරික නිජබිම්වලට අයත් වනාන්තර එළිපෙහෙළි කර පෞද්ගලික සමාගම්වලට පැවරීමට ගෙන තිබෙන තීරණයට එරෙහිව ආදිවාසි නායක ඌරුවරිගේ වන්නියලෑ ඇත්තන් ඇතුළු පිරිසක් ඉදිරිපත් කර තිබෙන රිට් පෙත්සම ලබන පෙබරවාරි 6 වැනිදා විභාගයට ගැනීමට අභියාචනාධිකරණය ඊයේ (8) තීරණය කළේය.
චිත්ර ප්රදර්ශනයන් සඳහා අමාත්යාංශය යටතේ ඇති කලාගාරයන් තුළ වසරේ වැඩ ඉඩක් ලබාදීමට වැඩපිළිවෙලක් ආරම්භ කිරීමට කටයුතු කරන බව බුද්ධශාසන, ආගමික හා සංස්කෘතික කටයුතු අමාත්ය විදුර වික්රමනායක මහතා සඳහන් කරයි.
තංගල්ල, මොරටුව හා රණ්පොකුණුගම ප්රදේශ කේන්ද්ර කරගනිමින් ක්රියාත්මක සපිරි මහල් නිවාස ව්යාපෘතියේ වැඩ කටයුතු මෙම වසර ඇතුළදී අවසන් කරන ලෙස නාගරික සංවර්ධන හා නිවාස අමාත්ය ප්රසන්න රණතුංග මහතා ජාතික නිවාස සංවර්ධන අධිකාරියට උපදෙස් දුන්නේය.
හොරොව්පතානේ තරුණ රණවිරුවෙක් පේදුරුතුඩුවේ සිට දෙවුන්දරතුඩුව දක්වා පාගමනින් දින 14කට පෙර ගොස් ගිනස් වාර්තාවක් තැබීමට සූදානම් වෙයි.
Page 56 of 686