Social and Equity
23 වන වරටත් පැවැත්වෙන කොළඹ ජාත්යන්තර පොත් ප්රදර්ශනයේ දෙවන දිනය අදයි. පළමු දිනයේම ලැබුණු ඉහළ පාඨක ප්රතිචාර හේතුවෙන් ප්රදර්ශනය මහජනතාව වෙනුවෙන් විවෘතව තැබෙන කාලය අද සිට රාත්රී 08 දක්වා දීර්ඝ කිරීමට සංවිධායකයින් තීරණය කර තිබෙනවා.
ලෝක වෙළඳපොලෙහි බොරතෙල් මිල ඉහළ යනවිට මෙරට ඉන්ධන මිල සූත්රය ක්රියාත්මක වුවත් එම මිල පහළ යනවිට මෙරට ඉන්ධන මිල සූත්රය ක්රියාත්මක නොවන බවත් මෙය ඉතාම අසාධරණ තත්වයක් බවත් සමස්ත ලංකා ත්රීරෝද රථ රියදුරන්ගේ වෘත්තීය සංගමයේ සභාපති ලලිත් ධර්මසේකර මහතා පවසයි.
රජය වී මිලදි ගැනීමේ ක්රියාවලිය අත්හැරීම හේතුවෙන් ලබන වසර මුල වනවිට සහල් මිල සීග්රලෙස ඉහළ යනු ඇති බව සමස්ථ ලංකා ගොවිජන සම්මේලනය පවසනවා.
තුවාලයකට ප්රතිකාර ලබාගැනීම සඳහා පැමිණි 60 හැවිරිදි දෙදරු මවකට ලිංගික අතවර කළ වෛද්යවරයකු කළුතර උතුර පොලිසිය විසින් අත් අඩංගුවට ගෙන තිබේ.
ඖෂධ හිගය සම්බන්ධයෙන් රට තුල දැඩි කතාබහක් මතුව ඇති පසුබිමක බොරැල්ල රිජ්වේ ආර්යා ළමා රෝහලේ නේවාසිකව ප්රතිකාර ලබන ළමුන්ට මෙන්ම මව්පියන්ට ප්රමාණවත් ආහාර නොමැති බවට පළ වන වාර්තා සම්බන්ධයෙන් රෝහල් අධ්යක්ෂ වෛද්ය ජී විජේසූරිය අදහස් පළ කළා.
රට තුළ මේ වනවිට පවතින ඖෂධ සහ වෛද්ය උපකරණ හිගයට රටේ ඩොලර් අර්බුදයට වඩා බලපෑ තවත් ප්රධාන කරුණු කිහිපයක් හදුනාගත් බව රජයේ වෛද්ය නිලධාරීන්ගේ සංගමය පවසනවා. එහි මාධ්ය ප්රකාශක වෛද්ය චමිල් විජේසිංහ පැවසුවේ, අරමුදල් තිබියදී පවා නිසි කලට නියමිත ප්රමාණයෙන් ඖෂධ මෙරටට ගෙන්වා නොමැති බවයි. ඩොලර් අර්බුදයට වඩා පරිපාලන දුර්වලතා ඖෂධ හිගයට සෘජුව බලපෑ බවද මෙහිදී ප්රකාශ කෙරුණා.
ඔක්ටේන් 92 වර්ගයේ පෙට්රල් මෙට්රික් ටොන් 37,000 ක තොගයක් ගොඩබෑමේ කටයුතු අද (16) ආරම්භ කළ බව විදුලිබල හා බලශක්ති අමාත්ය කංචන විජේසේකර මහතා පවසනවා. මීට අමතරව බොරතෙල් මෙට්රික් ටොන් 100,000 ක තොගය ගොඩබෑමද ආරම්භ වී තිබේ.
Page 133 of 686