තුවාලයකට ප්රතිකාර ලබාගැනීම සඳහා පැමිණි 60 හැවිරිදි දෙදරු මවකට ලිංගික අතවර කළ වෛද්යවරයකු කළුතර උතුර පොලිසිය විසින් අත් අඩංගුවට ගෙන තිබේ.
මෙසේ අත් අඩංගුවට ගෙන ඇත්තේ කළුතර ප්රදේශයේ ඖෂධ අලෙවිසැලක් සහ ප්රතිකාර මධ්යස්ථානයක් පවත්වාගෙන යන 47 හැවිරිදි වෛද්යවරයෙකි.
අදාළ කාන්තාව මීට සතියකට පමණ පෙර තම අතෙහි ඇඟිල්ලක ඇති තුවාලයකට ප්රතිකාර ගැනීම සඳහා එම වෛද්යවරයාගේ ප්රතිකාර මධ්යස්ථානයට ගොස් ඇති අතර එහිදී ඇයගේ ශරීරයෙහි තවත් තුවාල ඇත්දැයි තමන්ට පරීක්ෂා කිරීමට අවශ්ය පවසා ප්රතිකාර මධ්යස්ථානයෙහි දොරවල් සියල්ල වසා දමා කාන්තාවට ලිංගික අතවර කර ඇති අතර සිද්ධිය සම්බන්ධයෙන් කිසිවකුට හෝ පැවසුවහොත් ඇයව මරාදමන බවට තර්ජනය කර ඇති බව සඳහන්.
එම තර්ජනයට බියවීම හේතුවෙන් දින කිහිපයක් සිද්ධිය පිළිබඳ කිසිවකුට නොකියා සිටි අදාළ කාන්තාව පසුව කළුතර උතුර පොලිසියේ කාන්තා හා ළමා කාර්යාංශයට කළ පැමිණිල්ලක් අනුව වෛද්යවරයාව පොලිසිය විසින් අත් අඩංගුවට ගෙන ඇත.
කළුතර උතුර පොලිසිය සිද්ධිය සම්බන්ධයෙන් වැඩිදුර විමර්ශන සිදුකරයි.
LNW