රට සෑම අංශයකින්ම දැඩි අර්බුදයකට ගමන් කරමින් තිබෙන නිසා මීට විසඳුම් වශයෙන් පාර්ලිමේන්තුව වහාම විසුරුවා හැර කඩිනමින් පාර්ලිමේන්තු මහා මැතිවරණය පැවැත්වීමට ආණ්ඩුව කටයුතු කළ යුතු බව විපක්ෂ නායක මහින්ද රාජපක්ෂ මහතා පවසයි.
ජාතික ආරක්ෂාව, රටේ ආර්ථිකය, දේශීය නිෂ්පාදන කෘෂිකර්මාන්තය හා වැවිලි ක්ෂේත්‍රයේ දෙස් විදෙස් ආයෝජන සංචාරක කර්මාන්ත ඇතුළු සෑම ක්ෂේත්‍රයකින්ම රට බරපතළ කඩාවැටීමකට ලක්වෙමින් පවතින නිසාත්, ඉදිරියේ දී මුළු රටම ඊටත් වඩා කඩා වැටීමකට ලක්වීමට බොහෝ දුරට ඉඩ තිබෙන නිසා වහාම පාර්ලිමේන්තු විසුරුවා හැර පාර්ලිමේන්තු මහ මැතිවරණය පවත්වා රට තුළ දේශපාලන ස්ථාවරයක් ඇති කිරීමට ක්‍රියා කළ යුතු බව විපක්ෂ නායක මහින්ද රාජපක්ෂ මහතා පෙන්වාදෙයි.
පාර්ලිමේන්තුව නියෝජනය කරනු ලබන සියළුම දේශපාලන පක්ෂ නායකයින්ගේ අවධානය මේ සඳහා යොමු විය යුතු බවත් පාර්ලිමේන්තුව විසුරුවා හැරීමේ යෝජනාවක් පාර්ලිමේන්තුවට ගෙනවිත් 2/3 බහුතරයෙන් සම්මත කර පාර්ලිමේන්තුව විසුරුවා හැරිය හැකි බවත්, ඒ සඳහා විපක්ෂය නියෝජනය කරන සියලු දේශපාලන පක්ෂ වලට මෙන්ම ආණ්ඩුව නියෝජනය කරන සියලු දේශපාලන පක්ෂවලට වගකීමක් තිබෙන බව ඔහු වැඩිදුරටත් සඳහන් කරයි.
(Lanka Leans)