අති උතුම් ශුද්ධෝත්තම ෆ්රැන්සීස් පාප්වහන්සේ හට කොරෝනා වෛරසය වැලදී ඇත්දැයි සොයා බැලීම සඳහා වන වෛද්ය පරීක්ෂණයක් සිදුකළ බව වතිකානු ආරංචි මාර්ග සඳහන් කර සිටිනවා.
සිදුකළ වෛද්ය පරීක්ෂණයට අනුව ශුද්ධෝත්තම පියතුමන්ට නව කොරෝනා වෛරසය වැලදී නොමැති බවට තහවුරු වී ඇති බවයි විදෙස් මාධ්ය වාර්තා කර සිටියේ.
ඉකුත් අළු බදාදා දිනයේදී හදිස්සි රෝගී භාවයකට ගොදුරුවූ ශුද්ධෝත්තම පියතුමන්ව දිගින් දිගටම වෛද්ය පරීක්ෂණ සිදු කරනු ලැබූ බවයි විදෙස් මාධ්ය වාර්තා කර සිටියේ.
මේ වනවිට රෝමයේ කොරෝනා වෛරස් රෝගියෙක් වාර්තා වී නොමැති අතර ඉතාලියේ පමණක් කොරෝනා වෛරස් රෝගීන් 2000 කට අධික පිරිසක් සහ මරණ 52ක් වාර්තා වනවා.
(Neth)