සංචාරක කොදෙව් කණ්ඩායම සහ සත්කාරක ශ්‍රී ලංකා කණ්ඩායම අතර අවසන් එක්දින තරගය අද (26) මහනුවර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වේ .
මෙම තරගය පස්වරු 2.30ට ආරම්භ වීමට නියමිතය.
දෙරට අතර පැවැත්වෙන තරග 3කින් සමන්විත එක්දින තරගාවලිය මේ වන විට ශ්‍රී ලංකාව තරග 2 ට 0ක් ලෙස ජයග්‍රහණය කර අවසන්.
ඒ අනුව මෙම තරගය ශ්‍රී කණ්ඩායමට ජයග්‍රහණය කිරීමට හැකි වුවහොත් ඔවුන් පූර්ණ එක්දින තරගාවලි ජයක් හිමි කර ගැනීමට සමත් වෙයි.