මහනුවර ඓතිහාසික ශ්‍රී දළදා මාළිගාවේ වසර තිස් හතරකට පසුව පවත්වන ලද ජනරජ පෙරහර අද (19) මහනුවර නගරයේ දී වීථි සංචාරය කෙරිණි.
එහි සමාරම්භක අවස්ථාව ජනාධිපති රනිල් වික්‍රමසිංහ මහතාගේ සහ අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් පැවැත්විණ.
අද පස්වරු 6.45ට මහනුවර මඟුල් මඩුව භූමියෙන් ආරම්භ වූ පෙරහර දළදා වීදිය, යටිනුවර වීදිය, කන්ද වීදිය ඔස්සේ පැමිණ රජ වීදියට පිවිස, නැවත මාළිගාවට ගෙවදීමෙන් පෙරහරේ කටයුතු අවසන් විය.
අලි ඇතුන් සහ දළදා මාළිගාවේ මෙන්ම සතර මහ දේවාලවල නර්තන කණ්ඩායම් ඇතුළු සියලු පෙරහර සංස්කෘතිකාංගවලින් මෙම ජනරජ පෙරහර විචිත්‍රවත් විය.
සංචාරක ක්ෂේත්‍රයේ ප්‍රවර්ධනය ද අරමුණු කර ගනිමින් මෙය සංවිධානය කෙරුණු අතර පෙරහර නැරඹීම සඳහා අති විශාල ජනකායක් වීථි දෙපස රැස්ව සිටියහ .
රටේ ඉතාමත් සුවිශේෂි වැදගත් අවස්ථාවලදී පමණක් රජයේ ඉල්ලීම පරිදි ශ්‍රී දළදා මාළිගාව මගින් මෙවැනි විශේෂ පෙරහර සංවිධානය කෙරේ.
කතානායක මහින්ද යාපා අබේවර්ධන, අමාත්‍යවරුන් වන නිමල් සිරිපාල ද සිල්වා, ආචාර්ය බන්දුල ගුණවර්ධන, විදුර වික්‍රමනායක, කෙහෙළිය රඹුක්වැල්ල, මහින්ද අමරවීර, ආචාර්ය විජයදාස රාජපක්ෂ, අලි සබ්‍රි, මනුෂ නානායක්කාර, ජීවන් තොන්ඩමන්, රාජ්‍ය ඇමතිවරුන් දිලුම් අමුණුගම, අනුරාධ ජයරත්න, ජාතික ආරක්ෂාව පිළිබඳව ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානී සාගල රත්නායක, ජනාධිපති ලේකම් සමන් ඒකනායක, ආරක්ෂක අමාත්‍යාංශයේ ලේකම් ජනරාල් (විශ්‍රාමික) කමල් ගුණරත්න, ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා, යුදහමුදාපති ලුතිනන් ජෙනරාල් විකුම් ලියනගේ යන මහත්වරුන් ද තානාපතිවරු ඇතුළු විශාල පිරිසක් මෙම අවස්ථාවට එක්ව සිටියහ.
The ‘Janaraja Perahara’ parades the streets of Kandy after 34 years.
The historic Temple of the Tooth Relic in Kandy, which had not hosted the Janaraja Perahara for 34 years, held the procession on February 19th at 6:45 PM. The event was organized to coincide with the 75th Independence Anniversary Celebrations and was attended by President Ranil Wickremesinghe and Prime Minister Dinesh Gunawardhena.
The procession commenced at the Magul Maduwa premises and followed a route that included Dalada Veediya, Yatinuvara Veediya, Kanda Veediya, Raja Veediya, and ended at the temple. The procession included cultural performances, such as dancing troops and caparisoned elephants, which added glitz and color to the event. A large crowd had gathered to watch the Janaraja Perahara procession.
Speaker Mahinda Yapa Abeywardana, Ministers Nimal Siripala de Silva, Dr. Bandula Gunawardana, Vidura Wickramanayaka, Keheliya Rambukwella, Mahinda Amaraweera, Dr. Wijayadasa Rajapaksa, Ali Sabri, Manusha Nanayakkara, Thondaman, State Ministers Dilum Amunugama, Anuradha Jayaratne, Chief of Staff and Senior Advisor to the President on National Security Mr Sagala Ratnayake, Secretary to the President Saman Ekanayake, Defence Secretary General Kamal Gunaratne (Retired), Chief of Defence Staff General Shavendra Silva, Army Commander Lt. Gen. Vikum Liyanage and many diplomats gathered to watch the event.
