කිලෝ පනහක සිමෙන්ති කොට්ටයක් රුපියල් දෙසිය විසිපහකින් අඩු කර ඇතැයි සිමෙන්ති සමාගම් පවසයි.
ඒ අනුව රුපියල් 2975ට පැවති කිලෝ පනහක සිමෙන්ති කොට්ටයක් රුපියල් 2750ක් දක්වා අඩු කර තිබේ. INSEE Sanstha, INSEE Mahaweli Marine Plus හා හස්ති යන වෙළෙඳ නාම යටතේ අලෙවි කෙරෙන කිලෝ 50 සිමෙන්ති කොට්ටයක මිල රුපියල් 2750ක් දක්වා අඩු කර තිබේ.
මෙයට සමගාමීව ටෝකියෝ සහ අල්ට්‍රාටෙක් සමාගම්ද සිමෙන්ති කොට්ටයක මිල රුපියල් 2750ක් දක්වා අඩු කර ඇති බවට වාර්තා වෙයි. මේ සම්බන්ධයෙන් පාරිභෝගික කටයුතු පිළිබඳ අධිකාරියේ ජ්‍යේෂ්ඨ ප්‍රකාශකයෙක් පැවසුවේ මේ මිල අඩු කිරීම සිමෙන්ති අලෙවි කරන සමාගම් ස්වාධීනව සිදු කළ එකක් වන අතර අධිකාරියට මෙය ඉදිරිපත් වූයේ රුපියල් තුන්සීයකින් අඩු කිරීමට බවය.
LNW