පොඩ්ඩන්ගේ උදෑසන ආහාරය සඳහා කදිම මේ ඕට්ස් පෑන් කේක් සකසන්න ඕට්ස් කෝප්ප 1ක්, බිත්තර 2ක්, සීනි කෝප්ප 1/4ක්, මී පැණි මේසහැඳි 1ක්, වැනිලා ස්වල්පයක්, බේකිං පවුඩර් තේහැඳි 1/2ක් අවශ්‍යයි.

මුලින්ම ඕට්ස් ටික පෑන් එකට දාලා විනාඩි 5ක් විතර රෝස්ට්කර ගන්න. ඊළඟට මේ ටික හොඳට බ්ලෙන්ඩ්කර ගන්න.

බෝල් එකකට බිත්තර 2ක් දාගන්න. මේකට සීනි, පැණි හා වැනිලා දාලා හොඳට කලවම්කර ගන්න.

ඊළඟට කුඩුකර ගත් ඕට්ස් ටිකත් දාලා බේකිං පවුඩර් දාලා නැවත හොඳට කලවම්කර ගන්න.

ඝනකම වැඩි නම් වතුර චුට්ටක් එකතු කරන්න. දැන් නන්ස්ටික් පෑන් එකට බැටර් එක දාලා දෙපැත්තම පිස ගන්න.