අඹ චට්නි

මේ අඹ චට්නි එක හදන්න හොඳට පැහුණු අඹගෙඩි 2ක්, සීනි කෝප්ප 1 1/2ක්, විනාකිරි කෝප්ප 1ක්, තළාගත් ඉඟුරු සුදුලූනු ස්වල්පයක්, කරාබුනැටි 2ක්, කරදමුංගු ඇට 2ක්, කුරුඳු පොතු පොඩි කෑල්ලක්, මිරිස්කුඩු තේ හැඳි 2ක්, මුද්දරප්පලම් ස්වල්පයක් සහ ලුණු ස්වල්පයක් අවශ්‍යයි.

 මුලින්ම අඹ ටික පොතු ඇරලා පොඩි කෑලිවලට කපාගන්න. ඉන්පසු කරදමුංගු, කරාබුනැටි, කුරුඳු පොතු, ඉඟුරු, සුදුලූනු, මිරිස්කුඩු හා මුද්දරප්පලම් සියල්ලම විනාකිරි කෝප්ප 1/2ක් දාලා බ්ලෙන්ඩ්කර ගන්න.

ඉතිරි විනාකිරිවලට සීනි ටික දාලා ළිපේ තියන්න. සීනි දියවුණාම අඹ ටික දාලා හැඳිගාන ගමන් අඹරාගත් කුළුබඩු ටික එකතු කරන්න. උකු වෙනකල් හැඳිගාලා ළිපෙන් බාගන්න.

Tharunie