කෙනෙක් කතාබහක් නැතුව මුල්ලකට වෙලා ඉන්නවනම් නෝක්කාඩුවට පිට්ටු ගිලලද කියල අහන එක අපේ පුරුද්දක් නේ.
හැබැයි මඤ්ඤොක්කා පිට්ටු ගිලපු කෙනෙක් ගොළු වෙලා ඉන්නවනම් ඒ වෙන මොකුත් නිසා නෙමෙයි, මඤ්ඤොක්කා පිට්ටුවල රස විස්තර කරන්න වචන ගළපන්න බැරි නිසා.
මේ සඳහා වියළාගත් මඤ්ඤොක්කා පිටි ග්‍රෑම් 200ක්, හාල්පිටි ග්‍රෑම් 100ක්, ගාගත් පොල් ගෙඩි 1ක් සහ උණු වතුර ස්වල්පයක් අවශ්‍යයි. මුලින්ම පොතු ඇරලා කපලා හෝදගත්තු මඤ්ඤොක්කා ටික පොඩියට වෙන්න කපලා අව්වේ වේළාගන්න. ඊට පස්සෙ වේළාගත්තු මඤ්ඤොක්කා ටික කොටාගෙන, හලාගෙන මඤ්ඤොක්කා පිටි ටික හදාගන්න.
ඊට පස්සෙ භාජනයක් අරගෙන මඤ්ඤොක්කා පිටි හා හාල්පිටි එකතු කරන්න.
ඒකට ගාගත්තු පොල්, ලුණු සහ වතුර එකතු කරලා කැට හිටින විදිහට කළවම් කරගන්න.
මේ විදියට කැටකර ගත්තු මිශ්‍රණය පිට්ටු බම්බුවකට දාලා තම්බා ගන්න.
Tharunie