වට්ටක්කා රස බලන්න වැඩියෙන්ම කැමැති පොඩිහිටියන්. හැබැයි මේ වට්ටක්කා බත ලොකු පොඩි කවුරුත් ආසාවෙන් රස බලාවි. මොකද ඉස්සන්, කුකුළු මස් සහ සොසේජස් එකතු කරලා සකසන මේ බත ඉතාම රසවත්.

 මේ සඳහා කපාගත් වට්ටක්කා ග්‍රෑම් 500ක්, කපාගත් සොසේජස් කිහිපයක්, කපාගත් හතු කෝප්ප 1/2ක් (සෝදලා වතුර මිරිකලා ගන්න), කපාගත් ඉස්සන් ග්‍රෑම් 100ක්, අඹරාගත් කුකුළු මස් ග්‍රෑම් 100ක්, සීනි මේස හැඳි 1ක්, කපාගත් සෝයාසෝස් මේස හැඳි 2ක්, කුඩාවට කපාගත් වට්ටක්කා කෝප්ප 1ක්, හාල් කෝප්ප 1ක් සහ ලුණු ස්වල්පයක් අවශ්‍යයි.

 පෑන් එකට තෙල් ටිකක් දාලා කුකුළු මස් ටික දාලා ෆ්‍රයි කරගන්න. ඊළඟට හතු, සොසේජස්, ඉස්සො ටික දාගන්න. හොඳට බැදගන්න.

ඒකට සීනි, සෝයාසෝස්, වතුර කෝප්ප 1/2ක් වගේ දාලා  වට්ටක්කා ටිකත් දාලා වහලා විනාඩි 5-10ක් තැම්බෙන්න තියලා ළිප නිවාගන්න. 

හාල් ටික සෝදලා වතුර අවශ්‍ය පමණට දාලා ලුණු හා සෝයාසෝස් ටිකක් දාගන්න. 

බත ඉදුණම හදාගත් මිශ්‍රණය බත් එකට දාලා හොඳට මිශ්‍ර කරගන්න. 

Tharunie