වෙනදට නිකම්ම උයලා, තෙල්දාලා කන කතුරුමුරුංගා මල්වලින් රසවත් ඔම්ලට් එකක් මේ විදිහට හදමු ද?

 මේ සඳහා කතුරුමුරුංගා මල් කෝප්ප 1ක්, බිත්තර 3ක්, ලියාගත් ලූනූ ගෙඩියක්, ලුණු හා ගම්මිරිස් කුඩු, ලියාගත් කරපිංචා කොළ කිහිපයක්, කහ කුඩු ස්වල්පයක්, කෑලිමිරිස් ස්වල්පයක්, ලියාගත් අමු මිරිස් කරල් 2ක් සහ බැදගැනීමට තෙල් අවශ්‍යයි.

 මුලින්ම කතුරුමුරුංගා මල් ටික සෝදලා පෙති වෙන් වෙන්ව ගලවගන්න.  මැද තියෙන සුදු නටුවෙ මැද තියෙන කොළපාට නාරටිය අයින්කර ගන්න. ඒක තිත්තයි. දැන් මේ මල් පෙති ටික හීනියට ඉරාගන්න. ඉරාගත් මල්වලට කහ කුඩු ටිකක් කලවම් කරගන්න.

බිත්තර කඩලා ඒකට ලුණු, අමු මිරිස්, ලූනු, කරපිංචා, ගම්මිරිස් කුඩු, කෑලි මිරිස්, කහ එක් කරපු මල් දාලා ගෑරප්පුවකින් ගසාගන්න.

දැන් පෑන් එකට තෙල් ටිකක් දාලා රත්වෙනකොට මේ මිශ්‍රණයෙන් ටිකක් දාලා තුනී කරලා දෙපැත්ත දමා බැද ගන්න.

-Tharunie