ධීවර දිනට සමගාමීව පැවැත්වෙන සැමරුම මෙවර යාපනය ගුරු නගර් කේන්ද්‍ර කරගනිමින් මේ මස 18 හා 19 යන දෙදිනදී යාපනයේ පැවැත්වීමට අවශ්‍ය කටයුතු සම්පාදනය කර ඇතැයි අමාත්‍ය පියල් නිශාන්ත ද සිල්වා මහතා පවසයි.
අමාත්‍යවරයා මේ බව පවසා සිටියේ මෙම දිනයට සමගාමීව යාපනය නගරයේ පැවැත්වෙන ධීවර සැමරුම් උත්සවය පිළිබඳ මාධ්‍ය දැනුවත් කිරීම නිමිත්තෙන් රජයේ ප්‍රවෘත්ති දෙපාර්තමේන්තු ශ්‍රවරණාගාරයේදී අද පැවැති ප්‍රවෘත්ති සාකච්ඡාවකදීය.