ඖෂධ සැපයුම් ජාලයේ පවතින ගැටලු නිසා ඇතිවන ඖෂධ සැපයීම්, බාධා අවම වන තෙක් හිඟ ඖෂධ ලබා ගැනීම සඳහා විදේශ රජයන්ගේ සහාය ඍජුවම ලබා ගැනීම ට සෞඛ්‍ය හා ජනමාධ්‍ය අමාත්‍යංශය අදහස් කර ඇත.
ඒ අනුව සෞඛ්‍ය හා ජනමාධ්‍ය අමාත්‍යංශය, අමාත්‍ය මණ්ඩලය ට කරුණු දක්වමින් අමාත්‍ය මණ්ඩල සන්දේශයක් ඉදිරිපත් කළ අතර, එම අමාත්‍ය මණ්ඩල සන්දේශය අනුමත කිරීමේ දී අමාත්‍ය මණ්ඩලය ලබාදුන් උපදෙස් අනුව මෙරට රජය අනෙකුත් රාජ්‍යන් ගෙන් ඍජුවම ඖෂධ ලබා ගැනීමේ ක්‍රමවේදය යටතේ විධිමත් කමිටුවක් පත්කර ඉදිරි කටයුතු දියත් කිරීමට සැලසුම් කර ඇත.
එම ක්‍රමවේදය යටතේ ජාතික ප්‍රසම්පාදන කොමිෂන් සභාවේ ද එකඟතාවය ලබාගෙන නැවත අමාත්‍ය මණ්ඩලය වෙත ඉදිරිපත් කර අවශ්‍ය අනුමැතිය ලබා ගැනීමටත් ඒ අනුව මෙරට ඖෂධ සැපයුම් ජාලය යථාතත්වයට පත් කිරීම සඳහා කඩිනම් වැඩසටහනක් මේ වනවිට ක්‍රියාත්මක වෙමින් පවතී.
ඒ අනුව මෙම වැඩපිළිවෙල ඉදිරියට ක්‍රියාත්මක කිරීම සඳහා මුදල් හා ක්‍රම සම්පාදන අමාත්‍යාංශය, කර්මාන්ත සහ ව්‍යවසායකත්ව සංවර්ධන අමාත්‍යාංශය, වෙළඳ, වානිජ, ආහාර හා සමුපකාර අමාත්‍යාංශය ශය, විදේශ කටයුතු, විදේශ රැකියා හා සංචාරක අමාත්‍යාංශය ය, නීතිපති දෙපාර්තුමේන්තුව යන අමාත්‍යාංශය ශ හා ආයතන වල ජ්‍යෙෂ්ඨ නිලධාරීන්ගෙන් සැදුම්ලත් කමිටුවක් මේ වන විට පත් කර ඇති අතර එම කමිටුවේ සභාපතිත්වය සෞඛ්‍ය හා ජනමාධ්‍ය අමාත්‍යංශයේ ලේකම්වරයා විසින් දරනු ලබයි.
එ් අනුව එම කමිටුව පෙරේදා (29) සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ වෛද්‍ය අනිල් ජාසිංහ මහතාගේ ප්‍රධානත්වයෙන් සෞඛ්‍ය හා ජනමාධ්‍ය අමාත්‍යංශයේ දී රැස් වු අතර එහි දී රජයන් අතර සහයෝගීතාවයෙන් මෙරට ට ඖෂධ ලබා ගැනීමේ කටයුතු සඳහා වන වැඩපිළිවෙල ආරම්භ කළ යුතු ආකාරය හා ඉදිරියට ක්‍රියාත්මක විය යුතු ආකාරය පිළිබඳව දීර්ඝව සාකච්ඡාක් සිදු කරනු ලැබීය.
මෙම වැඩසටහන යටතේ අදාළ මුලික කටයුතු කඩිනමින් සම්පුර්ණ කර මෙරට පුරවැසියන්ට අවශ්‍ය ඖෂධ, වෛද්‍ය උපාංග සහ ඒ ආශ්‍රිත සේවාවන් අඛණ්ඩව සැපයීම සහතික කිරීම පිණිස අවශ්‍ය ක්‍රියාමාර්ග ගැනීම සෞඛ්‍ය හා ජනමාධ්‍ය අමාත්‍යංශය සැලසුම් කර ඇත.