ඉන්දියාව, මියන්මාරය සහ තායිලන්තය යා කෙරෙන ත්‍රෛපාර්ශ්වික අධිවේගී මාර්ගයක් ඉදිකිරීම සදහා මූලික වටයේ සාකච්ඡාවක් ආරම්භ කර තිබේ.
ඒ අනුව ඉන්දීය විදේශ කටයුතු අමාත්‍ය ආචාර්ය එස් ජයිශංකර් ඔහුගේ මියන්මාර සහචරයා වන Than Swe හමුවී ඇත.
එහිදී විශේෂයෙන්ම ඉන්දියාව-මියන්මාරය-තායිලන්ත ත්‍රෛපාර්ශ්වික අධිවේගී මාර්ගය පිළිබඳ සාකච්ඡා කර තිබේ.
දේශසීමා ප්‍රදේශවල සාමය සහ ස්ථාවරත්වය සහතික කිරීමේ වැදගත්කම ද ඔවුන් අවධාරණය කළේය.
බැංකොක් වෙත පැමිණි ජයශංකර් මියන්මාර විදේශ අමාත්‍යවරයා හමුවූයේ මීකොං ගංගා සහයෝගිතා (MGC) යාන්ත්‍රණ රැස්වීමට සමගාමීව ය.
මෙම රැස්වීමේදී ජයිශංකර් මිනිස් සහ මත්ද්‍රව්‍ය ජාවාරම් පිළිබඳ ගැටළු ද මතු කළේය.
MGC යනු පහළ මීකොං කලාපයේ පැරණිතම යාන්ත්‍රණයක් වන අතර එය ඉන්දියාවේ නැගෙනහිර ප්‍රතිපත්තිය මගින් මෙහෙයවනු ලැබේ.
කිලෝමීටර් 1,300කට වඩා දිග අධිවේගී මාර්ග දැනට නිර්මාණය වෙමින් පවතින අතර, විවෘත කළ පසු, ඒවා මියන්මාරය සහ තායිලන්තය අතර වෙළඳ සබඳතා ඉහළ නංවනු ඇත.
අධිවේගී මාර්ගය කාම්බෝජය, ලාඕසය සහ වියට්නාමය දක්වා දීර්ඝ කිරීමට ද ඉන්දියාව යෝජනා කර ඇත.
-Aruna