විදේශ කටයුතු අමාත්‍ය, ජනාධිපති නීතීඥ අලි සබි්‍ර අද අලුයම අමෙරිකාව බලා පිටත්ව ගොස් තිබෙනවා.
ඒ, එරට රාජ්‍ය ලේකම් ඇන්තනී බ්ලින්කින්ගේ ආරාධනාවකට අනුවයි.
අමාත්‍යවරයා සමඟ විදේශ කටයුතු අමාත්‍යාංශයේ තවත් උසස් නිලධාරීන් තිදෙනකු ද මෙම සංචාරය සදහා දිවයිනෙන් පිටත්ව ගොස් තිබෙනවා.
අලුයම 03 යි 30 ට පමණ කටාර් ගුවන් සේවයට අයත් ගුවන් යානයකින් එම පිරිස කටුනායක ගුවන් තොටුපලේ සිට කටාර් රාජ්‍යයේ දෝහා බලා පිටත්ව ගොස් ඇති අතර එතැන් සිට අමෙරිකා එක්සත් ජනපදය බලා පිටත්ව යාමට නියමිත බව නෙත් නිවුස් ගුවන් තොටුපල වාර්තාකරු පැවසුවා.
මෙම සංචාරය අතරතුර විදේශ කටයුතු අමාත්‍යවරයා ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ ප්‍රධානී සමන්තා පවර් හමුවී සාකච්ඡා පැවැත්වීමට ද නියමිතව තිබෙනවා.
Neth