මීට වසරකට පමණ ඉහතදී අප රට තුළ පැවති ආර්ථික අර්බුධය හමුවේ අප රට බංකොලොත් රටක් බවට ප්‍රකාශ කිරීමෙන් අනතුරුව පළමු වතාවට ණය ශ්‍රේණි ගත කිරිම් අනුව අප රට මදක් ඉහළට පැමිණ ඇති බව ණය ශ්‍රේණිගත කිරීමේ ආයතය දෙකක් විසින් ප්‍රකාශයට පත්කර ඇති බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.
රුවන්වැල්ල කොටළුගොඩකන්ද විහාරස්ථානයේ ඊයේ (01) පැවති පුණ්‍ය උත්සවයකට සහභාගී වූ අවස්ථාවේ මාධ්‍ය වෙත අදහස් දක්වමින් අමාත්‍යවරයා මේ බව ප්‍රකාශ කළේය.
ඒ අනුව මෙම ශ්‍රේණි ගත කිරීම් අද වන විට අප රට ධනාත්මක ගමනකට අවතීර්ණ වී ඇති බවට ආර්ථික වශයෙන් ඉතාමත්ම වැදගත් සාධකයක් බව අමාත්‍යවරයා වැඩිදුරටත් සඳහන් කළේය.
එසේම ස්වාධින ආයතන දෙකක් විසින් මෙවන් මතයක් ප්‍රකාශ කිරීම දේශිය හා ජාත්‍යන්තර වශයෙන් ඉතා වැදගත් කාරණාවක් බව ද අමාත්‍යවරයා මෙහිදී ප්‍රකාශ කළේය