දිවයිනේ සියලු අධිවේගි මාර්ගවල ගාස්තු සංශෝධනය කරමින් ප්රවාහන ඇමැති, ආචාර්ය බන්දුල ගුණවර්ධන මහතා අතිවිශේෂ ගැසට් නිවේදනයක් නිකුත් කර තිබේ.
2008 අංක 40 දරන ජාතික මංමාවත් පනත යටතේ ආචාර්ය බන්දුල ගුණවර්ධන මහතා විසින් මේ ගැසට් නිවේදනය නිකුත් කර තිබේ.
ඒ අනුව අවමය රුපියල් 50 සිට ගාස්තු ඉහළ නැංවීම සිදු කර ඇති අතර, නව සංශෝධනයට අනුව සියයට 25ක පමණ ගාස්තු ඉහළ දැමීමක් සිදු වනු ඇත.
මේ අනුව කොට්ටාව සිට කටුනායකට නව ගාස්තුව රු. 400ක්ද කටුනායක සිට හම්බන්තොට දක්වා නව ගාස්තුව රු. 1300ක්ද කොට්ටාව සිට ගාල්ලට නව ගාස්තුව රු. 500ක්ද ලෙස සංශෝධනය වී ඇත.
දක්ෂිණ අධිවේගි මාර්ගය, කටුනායක අධිවේගි මාර්ගය සහ මධ්යම අධිවේගි මාර්ගය යන සියලු අධිවේගි මාර්ගවල රථවාහන සඳහා ගෙවිය යුතු ගාස්තු මේ අනුව ඉහළ නංවා ඇති අතර සිලින්ඩර් ධාරිතාව අනුව එම ගාස්තු සංශෝධනය සිදු කර ඇති බව ප්රවාහන හා මහාමාර්ග අමාත්යාංශය සඳහන් කළේය.