සැන්ඩ්විච් එකක රස තියෙන්නේ ඊට එකතුකර ගන්නා පේස්ට් එක මතයි.

හැමදාම හදන එකම පේස්ට් එකට මේ විදිහට වෙනසක් එකතු කරලා බලන්න. මේ සැන්ඩ්විච් එක හදාගන්න තරමක් ඉඳුණු පේර ගෙඩි 2ක්, මින්චි කොළ කෝප්ප 1ක්, අමු මිරිස් කරල් 2ක්, ඉඟුරු කෑල්ලක්, සූදුරු තේ හැඳි 1/2ක්, කොත්තමල්ලි කුඩු තේ හැඳි 1/2ක්, චාට් මසාලා

තේහැඳි 1/2ක්, ලුණු ස්වල්පයක්, පාන් පෙති කිහිපයක් සහ තක්කාලි පෙති කිහිපයක් අවශ්‍යයි.

 දැන් පේරවල ඇට කොටස් අයින් කරලා අනික් ටික ග්‍රේට් කරගන්න. ග්‍රයින්ඩර් එකට මින්චි කොළ, අමුමිරිස්,  ඉඟුරු හා සූදුරු දාලා ග්‍රේට්කර ගත් පේර මේස හැඳි 1ක් හා වතුර මේස හැඳි 2ක් දාලා හොඳට ග්‍රයින්ඩ්කර ගන්න. දැන් මේ ටික බෝල් එකකට දාලා ග්‍රේට්කර ගත් ඉතිරි පේර ටික හා කොත්තමල්ලි කුඩු ටික දාගන්න. මේකට චාට් මසාලා හා රස අනුව ලුණු දාලා හොඳට කලවම් කරගන්න. දැන් පාන් පෙත්තක් අරන් මේක ගාලා උඩින් තක්කාලි පෙති තියලා අනෙක් පෙත්තෙන් වහගන්න.