කපාගත් දෙල් ග්‍රෑම් 250ක්

කුඩාවට කපා ගත් රතුලූනූ ගෙඩි 6-7ක්

අබ ඇට තේ හැඳි 1ක්

බැදගත් උළුහාල් තේ හැඳි 1/4ක්

උම්බලකඩ කුඩු මේස හැඳි 1ක්

කපාගත් අමු මිරිස් කරල් 2ක්

රම්පේ කැබැල්ලක්

කරපිංචා ඉත්තක්

කුරුඳු පොතු කැබැල්ලක්

කපාගත් සුදුලූනූ බික් 2ක්

තෙල් මේස හැඳි 2ක්

කහ කුඩු සහ තුනපහ කුඩු තේ හැඳි 1 බැගින්

මිරිස් කුඩු තේ හැඳි 1/4ක්

දියකිරි අඬු කෝප්ප 2ක්

මිටිකිරි අඬු කෝප්ප 1/2ක්

අවශ්‍ය පමණට ලුණු

වියළි මිරිස් කරල් දෙක තුනක්

පළමුව මැටි වළඳක් ළිප තබා තෙල් රත්වන විට ඒකට අබ දමා පුපුරන විට රම්පේ, කරපිංචා, කුරුඳු පොතු, සුදුලූනූ, අමු මිරිස් එකතුකර ලූනූවලින් කොටසක් එක්කර බැදෙන්නට හරින්න. එය බැදීගෙන එනවිට උළුහාල්, තුනපහ, මිරිස් කුඩු, කහ කුඩු, උම්බලකඩ දමන්න. මෙම මිශ්‍රණය බැදෙන අතරතුර දියකිරි සමඟ කපා ගත් දෙල් කැබලි දමා අඩු ගින්දරේ තැම්බෙන්නට තබන්න. දෙල් හොඳින් තැම්බුණ පසු මිටිකිරි එකතුකර රස අනුව ලුණු ද මිශ්‍රකර ගන්න. 

වෙනම භාජනයක තෙම්පරාදුව සඳහා තෙල් ටිකක් දමා ළිප තබා, ඉතිරි කළ ලූනූ, වියළි මිරිස් දමා බැදෙන්නට හැර පිසගත් දෙල් ව්‍යංජනය මතට දමන්න.