අවශ්‍ය ද්‍රව්‍ය
ඇපල් ග්‍රෑම් 500ක්
සීනි ග්‍රෑම් 400ක්
ලුණු තේ හැඳි 1/4ක්
සාදන ක්‍රමය
ඔබ මේ සඳහා රතු ඇපල් තෝරා ගන්නේ නම් වඩාත් සුදුසුය. පළමුව ඇපල්වල පොතු ඉවත්කර සිහින්ව කපාගන්න. එය විනාඩි 20ක් පමණ ළිපේ තබා තම්බා ගන්න. ඉන්පසුව එය හොඳින් නිවෙන්නට හැර භාජනයකට දමා හැන්දකින් පොඩිකර ගන්න. දැන් එයට සීනි ටික එකතුකර නැවත ළිපේ තබා තලපයක් වන සේ හැඳි ගා ගන්න. රස අනුව ලුණු එකතු කරන්න. දැන් හොඳින් උකු වූ මෙම මිශ්‍රණය ළිපෙන් බා ගන්න. කැමැති නම් රතු පැහැති කලරින් ස්වල්පයක් මිශ්‍රකර ගන්න. දැන් බෝතලයකට අසුරා ගත හැකියි.
(Tharunie)