අවශ්‍ය ද්‍රව්‍ය

කුකුළු මස් ග්‍රෑම් 500ක්

කළු කුඩු

තෙල් මේස හැඳි 3 - 4ක්

තළාගත් ඉඟුරු, සුදුලූනු

කරපිංචා ඉත්තක්

කරදමුංගු 2 - 3ක්

කරාබු නැටි දෙකක්

රම්පෙ කැබැල්ලක්

බැදගත් මිරිස් කුඩු

බැදගත් තුනපහ කුඩු

ගම්මිරිස් කුඩු

මිටි කිරි කෝප්ප 02ක්

රස අනුව ලුණු

සාදන ක්‍රමය

කුකුළු මස් කැමැති පරිදි කැබැලිවලට කපා හොඳින් සෝදා ගන්න.

තළාගත් ඉඟුරු, සුදුලූනු, ගම්මිරිස් කුඩු, කළු කුඩු, බැදගත් මිරිස් කුඩු, බැදගත් තුනපහ කුඩු සහ රස අනුව ලුණු එක්කර කුකුළු මස් පදම් වීමට තබන්න.

පැයකට පමණ පසු මැටි වළඳක් ළිප තබා ඊට තෙල් දමා කරදමුංගු, කරාබුනැටි, රම්පෙ, කරපිංචා දමා බැදෙන විට පදම් කරගත් කුකුළු මස් එක්කර තෙම්පරාදු කරගන්න.

කුකුළු මස් පිසීගෙන එන විට ඊට මිටි කිරි කෝප්ප දෙක දමා මඳ ගින්නේ ඉස්ම හිඳෙනතුරු පිසගන්න.

(Tharunie)