පුද්ගලයෙක් ජීවිතක්ෂයට තවත් අයෙකුට තුවාල
අහුංගල්ල, බෝගහපිටිය ප්රදේශයේදී සිදුකළ වෙඩි තැබීමකින් පුද්ගලයෙකු ජීවිතක්ෂයට පත්ව තිබේ.
පොලීසිය පැවසුවේ ඊයේ (23) රාත්රීයේ මෙම වෙඩි තැබීම සිදුව ඇති බවයි.
බෝගහපිටිය, ඌරගහ මාර්ගයේ ත්රිරෝද රථයකින් ගමන් කරමින් සිටිය දී පුද්ගලයින් දෙදෙනෙකුට මෙලෙස වෙඩි තබා ඇත.
එහිදී තුවාල ලැබූ පුද්ගලයින් දෙදෙනා බලපිටිය රෝහලට ඇතුළත් කර ඇති අතර, ඉන් අනතුරුව එක් පුද්ගලයෙකු මියගොස් තිබේ.
මෙලෙස ජීවිතක්ෂයට පත්ව ඇත්තේ අහුංගල්ල ප්රදේශයේ පදිංචිව සිටි 29 හැවිරිදි පුද්ගලයෙකි.
පොලීසිය පැවසුවේ වෙඩි තැබීම සිදුකළ සැකකරු සම්බන්ධයෙන් මෙතෙක් කිසිදු තොරතුරක් අනාවරණය වී නොමැති බවයි.
Aruna