පැය 18ක ජල කප්පාදුවක්
කොළඹ ප්රදේශ කිහිපයකට අද (03) දිනයේ පැය 18ක ජල කප්පාදුවක් සිදුවන බව ජාතික ජල සම්පාදන හා ජලාපවහන මණ්ඩලය පවසයි.
පෙරවරු 08.00 සිට හෙට (04) අළුයම 02.00 දක්වා කාලය තුළ ජල සැපයුම අත්හිටුවන බව එම මණ්ඩලය සඳහන් කළේය.
ඒ අනුව, අදාළ කාලය තුළ කොළඹ, දෙහිවල, ගල්කිස්ස, කෝට්ටේ සහ කඩුවෙල යන මහනගර සභා බල ප්රදේශවලට සහ මහරගම, බොරලැස්ගමුව, කොලොන්නාව යන නගර සභා බල ප්රදේශ සඳහා ජල සැපයුම අත්හිටුවයි.
මීට අමතරව කොටිකාවත්ත සහ මුල්ලේරියාව යන ප්රාදේශිය සභා බල ප්රදේශවලට සහ රත්මලාන හා කටුබැද්ද යන ප්රදේශවලට ද අදාළ කාලය තුළ ජල සැපයුම අත්හිටුවන බව දන්වා තිබේ.
අඹතලේ ජල පොම්පාගාරයට ලබාදී ඇති විදුලි සැපයුමෙහි අත්යවශ්ය නඩත්තු කටයුත්තක් හේතුවෙන් මෙලෙස ජල කප්පාදුව සිදුවන බව ජාතික ජල සම්පාදන හා ජලාපවහන මණ්ඩලය සඳහන් කර ඇත.
Aruna