දැනට වැඩ තහනමකට ලක්කර සිටින, අපරාධ පරීක්ෂණ දෙපාර්තමේන්තුවේ හිටපු අධ්යක්ෂ, ජ්යේෂ්ඨ පොලිස් අධිකාරී ශානි අබේසේකර මහතාව නැවතත් පොලිස් සේවයට අන්තර්ග්රහණය කිරීමට නියමිත බව වාර්තා වේ.
ඒ අනුව, දැනට විශ්රාම වයස සම්පූර්ණ කර සිටින ඒ මහතාව නැවතත් සේවයට අන්තර්ග්රහණය කර විශ්රාම ගැන්වීමට නියමිත බව සඳහන්.
ගෝඨාභය රාජපක්ෂ මහතාගේ ජනාධිපති ධුර කාලය තුළ බරපතළ ලෙස දේශපාලන පළිගැනීම්වලට ලක් කරන ලදුව, විශ්රාම වැටුප පවා අහිමි කරවන ලද ශානි අබේසේකර මහතාට සාධාරණය ඉටු කිරීම වෙනුවෙන් ජාතික ආරක්ෂාව පිළිබඳ ජනාධිපති උපදේශක සාගල රත්නායක මහතාගේ මැදිහත්වීම මත ජනාධිපති රනිල් වික්රමසිංහ මහතා විසින් මෙම තීරණය ගෙන ඇති බව සඳහන්.
මේ අතර ශානි අබේසේකර මහතා නැවතත් අපරාධ පරීක්ෂණ දෙපාර්තමේන්තුවේ සේවයට එනු ඇතැයි බොහෝ පාර්ශ්ව දැඩි ලෙස බියට පත්ව සිටින බවත් ආරංචිමාර්ග සඳහන් කළේය.
LNW