පරිසර අමාත්‍ය නසීර් අහමඩ් මහතා හා විදේශ තානාපතිවරුන් අතර හමුවක් පසුගියදා ලෝක මුහුදු තෘණ දිනය හා සමගාමිව පරිසර අමාත්‍යාංශයේ දී පැවැත්විණ.
මෙහි දී රටවල් අතර අනෝන්‍ය අවබෝධය හා පරිසරය සම්බන්ධ පැනනැගෙන ප්‍රශ්න, කාලගුණ විපර්යාස, ජෛව විවිධත්වයන් හා තම රටවල් අතර සමානාත්මතාවයෙන් ඇතිවන කරුණු සම්බන්ධව රටවල් එකතු වී ඉදිරියේ දී කටයුතු කළ යුතු ආකාරය අමාත්‍ය නසීර් අහමඩ් මහතා කරුණු පැහැදිලි කළේය.
තවදුරටත් ජෛව විවිධත්වයෙන් බහුල වු ශ්‍රී ලංකාව සමග කටයුතු කිරිමට ලැබීම සම්බන්ධයෙන් සතුටු වන බවත්, අප සියලු රටවල් වලට මෙම හමුව ඉතා වැදගත් හා වටිනා අවස්ථාවක් වු බව තනාපතිවරුන් පැවසූහ.
මෙම අවස්ථාවට බංගලාදේශය මහකොමසාරිස් මියන්මාර්, තායිලන්තය, වියට්නාමය, කියුබාව වැනි රටවල තනාපතිවරුන්, පරිසර අමාත්‍යාංශ ලේකම් වෛද්‍ය අනිල් ජාසිංහ මහතා ද සහභාගි වූහ.