දෙස් විදෙස් සංචාරකයන්ගේ නොමද පහස ලබන ලංකාවේ වෙරළ තීර අතරේ වඩාත්ම සොදුරුතම වෙරළ තීරයක් වන නිලාවේලි වෙරළ ආශ්‍රිතව ඉදිව තිබෙන සංචාරක හෝටල් හා ඒ ආශ්‍රිත ප්‍රදේශය ,කුච්චවේලි හා ඉරක්කන්ඩි යන ප්‍රදේශවල සංචාරක හා ඉඩම්ඩම් අමාත්‍ය හරීන් ප්‍රනාන්දු මහතා නිරීක්ෂණ චාරිකාවක නිරත විය.
එහිදි විශේෂයෙන්ම සංචාරක සංවර්ධන අධිකාරිය සතු ඒ ප්‍රදේශ වල ඇති ඉඩම් පිළිබඳව ද සොයා බැලූ අතර ඒ ප්‍රදේශවල රාජකාරියේ නිරත සංචාරක පොලිසියට අනුයුක්තව සේවය කරන පොලිස් නිලධාරීන් සමඟද ඒ ඒ ප්‍රදේශවල තත්ත්වයන් පිළිබඳව අමාත්‍යවරයා සාකච්ඡා කළේය .
මෙම නිරීක්ෂණ චාරිකාවේදී ලැබුන අදහස් ,යෝජනා හා නීරීක්ෂණයන්ට අනුව අදාළළ නිලධාරීන් හා ආයතන සමඟ සාකච්ඡා කොට සංචාරක කර්මාන්තයේ ප්‍රගමනයට ගතයුතු පියවර කඩිනමින් ගෙන ක්‍රියාත්මක කිරීමට බලාපොරොත්තු වන බව ඒ මහතා පැවසීය.