ශ්‍රී ලංකවේ මෝටර් රථ ක්ෂේත්‍රයේ නව්‍යකරණ නියමුවා වන ඇසෝසියේටඩ් මෝටර්වේස් (පුද්ගලික) සමාගම තම නවතම සුපරි යතුරුපැදිය වන YAMAHA- MT-15 හඳුන්වාදීම පසුගියදා වෝටර්ස් එජ් හි සිදුකළ අතර යතුරුපැදි ලෝලී දැවැන්ත ජනකායක් මේ සඳහා සහභාගි වූහ.
ජපන් සටන්කාමීන්ගේ වීරත්වය The dark side of Japan) විදහා දක්වන සමුරායිවරුන්ගේ පුනරාගමනය ලෙස අර්ථ ගැන්වූ මෙම MT-15 යතුරුපැදිය තාරුණ්‍යයේ වේගවත් සහ ජවසම්පන්න බවට සරිලනම යතුරුපැදිය වන අතර සුපරි විශේෂාංග වලින් සහ සුපිරි වේගයකින් සමන්විත මෙම නවතම යතුරුපැදිය සියැසින්ම දැක බලා ගැනීමටත් එය ධාවනය කර එහි අත්දැකීම විඳ ගැනීමටත් දියත් කිරීමේ උළෙලට පැමිණි සිටි යතුරුපැදි ලෝලීන්ට,අලෙවි නියෝජිතයන්ට මෙන්ම මාධ්‍යවේදීන්ටද එහිදී අවස්තාව හිමි විය.
එසේම මෙම සුවිශේෂී අවස්ථාවට යමහා යතුරුපැදි සඳහා සන්නාම තානාපතිවරුන් ලෙස කටයුතු කරන ශ්‍රී ලංකාවේ ජනප්‍රියතම ගායක යුවලක් වන භාතිය සහ සන්තුෂ් ද ,ජපානයේ යමහා මෝටර් කෝපරේෂන් නියෝජනය කරමින් ෆුෂිමි ෂෝ මහතාද සහභාගි විය.
”මෙම සුපරි යතුරුපැදියේ නිමවුමෙන්ම ලබා දී ඇති වේගවත්බව සිත් ඇදගන්නා සුළු බව ,ක්‍රීඩාශීලී බව, නවීන බව සහ විශ්මිත සුසංයෝගයන් ඔබගේ හදවත ප්‍රාණවත් කරනවා නියතයි.කෙටියෙන්ම පවසනවානම් එය නාගරික ජීවන රටාවකට ගැලපෙන රේසිං බයික් එකක් ලෙස හඳුන්වා දෙන්න පුළුවන්”
යතුරුපැදිය එළිදැක්වීමේ උළෙලට එක්වෙමින් ෆුෂිමි මහතා පැවසීය
(Dinamina)