මුදල් රාජ්ය අමාත්ය අජිත් නිවාඩ් කබ්රාල් මහතා මාධ්යය සාකච්ඡාවකට එක් වෙමින් පවසා සිටියේ වාහන ආනයනය සදහා පනවා ඇති සීමා ලිහිල් කිරීම කෙරෙහි අවධානය යොමුකර ඇති බවයි.
කෙසේ වුවද මේ වසර අවසාන භාගයේදී කරුණු සලකා බැලීමෙන් අනතුරුව රජය නිශ්චිත තීරණයකට එළඹෙන බව ඔහු පවසා සිටියේය.
මේ පිළිබඳ වැඩිදුරටත් අදහස් දැක්වමින්,
“වාහන නැවත වරක් ආනයනය කිරීමට පහසුකම් ලබාදීමට මේ අවස්ථාවේ දී සිදුකිරීම අපහසුවෙයි. මේ අවුරුද්දේ අවසානයේදී රජයට සියලුම තත්ත්වයන් සලකා බලා තීරණයක් ගැනීමට හැකියාව ලැබෙයි.තවම විදේශ ආදායම් අපි අපේක්ෂා කරණ තත්වයට පත්වී නැහැ.විශේෂයෙන්ම සංචාරක කේෂ්ත්රය තවමත් අභියෝග රැසකට මුහුණ දෙමින් සිටිනවා. තවමත් ලෝකයේ සංචාරක කේෂ්ත්රය යථාතත්ත්වයට පත්වෙලා නැහැ. ඒ දුර්වලතාවය තියෙන නිසා අපි රට ඉක්මනින් ඇරලා සංචාරකයින්ට පහසුකම් සලසන ආකාරයට කටයුතු කරන්න අපොහොසත් වී තිබෙනවා. එවැනි තත්වයක සිටියදී පවා අපි බොහෝ දේ දැනටමත් කරගෙන යනවා.” යනුවෙන් පැවසුවේය.
(Lanka Leads)