ලියූ කවි පද නුඹ නමින් ඇත
හදෙහි ගැඹුරුම තැන රැදී
කියූ සෙනෙහස් නුරා නෙත්සර
කැලුම් හදවත සිත ඇදී
දිනූ හදවත ඔබයි සසරෙම
පුරා සිත් අහසෙම දිලී
ගැයූ ගීයක මියුරු තත්සර
. තනුව වෙමි සිතුවිලි බැදී
සරා සඳ නුඹ සිත් අහස් ගැඹ
එකලු කරවන සඳවතයි
දරාගෙන දුක් කවි ලියන්නම්
ඔබගෙ මතකය සුන්දරයි
නුරා කැල්මන් නීල නෙත්සර
කැලුම් ගෙනදුන් සිතුවිලියි
පුරා පෙම් පාරමී දම්
මං පුරන්නම් මතු සසරෙදී
-කවි පබැඳුම : ඉනෝකා ප්‍රියදර්ශනී නායකරත්න