ගුරුතුමිය තමාට දඩුවම් කලැයි.පුතෙක් තාත්තෙක්ට ගෙදර ගිහින් කියලා .ඒක අහපු තාත්තා පුතාට මෙහෙම කියනවා........?????

කෝ බලන්නට රිදෙනවද අත
කෝටු පාරත් දෑතෙ හිටලා
ටීච ගැහුවට මගෙ පුතාගේ
හිතත් හොඳ හැටි ඉතින් රිදිලා
පුතේ වරදක් දකින්නැති ඇය
කෝටුවෙන් දඩුවමක් කරලා
උබලා දන්නැති ඇගේ හදවත
දැකලා අවුරුදු ගණන් පිරිලා...................
හේතුවක් නැති කිසිම දේකට
තලන්නට ඇය නෑනෙ හිතලා
දඩුවමක් දී උබලා හැදුනොත්
වාසියක් නෑ ඇයට ලැබිලා
හුගක් ඉස්සර මගෙත් ගුරු ඇය
දුන්නා පිටවල් පාර තියලා
දකිද්දිත් අපි හරි බයයි පුතුනේ
වැරැද්දක් නෑ ඉතින් කරලා.........................
ඇයට බයටම පාසලේ වැඩ
හැමදේම අපි හොඳින් කෙරුවා
පොඩ් වැරැද්දක් දුටුව තැනදී
වේවැලෙන් ඇය කතා කෙරුවා
හිතින් බැන බැන අපේ හිත් තුල
අකමැතිම ගුරු ඇයම වූවා
පුතේ වැඩ් පිරිසකට සරසව්
දොරටුවත් ඈ විවර කෙරුවා........................
අරන් ලඟකට අපේ හිස සිබ
කිව්ව දේවල් අදත් දැනුනා
තරහකට නොව පුතේ තැලුවේ
නුඹලා තැනකට ගන්න හිතුනා
ඕන නම් උබ ඉගෙන ගනියෙන්
එපා නම් අත හැරලා දැමුනා
එහෙම ගුරු මව වෙන්න බෑ පුත
මගේ යුතුකම නිමා කෙරුනා........................
එදා පුත අපි හැදින ගුරු හිත
අදත් දුටු විට දෙපා වැන්දා
එවන් ගුරුතුමියකගෙ තතුමයි
උබ ඇවිත් මගෙ කනේ තිබ්බා
අහගනින් පුත අවසාන හා මෙය
පළමු අවවාදයක් හිතලා
ගුරුවරුන් හට කිසි ප්‍රයෝජන
නෑනෙ පුතෙකුට ඉතින් තලලා.......................
වැරද්දට දඩුවමක් දුන්නොත්
දරාගෙන පුත ඉන්න බලපන්
පාසලේ දුන් දඩුවමක් ගැන
ගෙදර ඇවිදින් නොකියා ඉදපන්
ගුරුවරුන් දෙගුරුන් දෙන දඩුවමක්
හිස පහත් කර මූණ දීපන්
එහෙම කෙරුවොත් සමාජෙන් එන
දඩුවමින් බේරෙන්න පුලුවන් .............................
B.M.N.බස්නායක ✍️ (සඳූ )
ආදරණීයම ගුරුවරුන් ට උපහාරයක්ම වේවා .