දුවක් ඉන්න හැම අම්මෙක් - මේක හොඳින් හිතට ගන්න..
ගහල බැනල හිත රිදවල- එපා ඇයට කඳුළු දෙන්න..

අඬන දොඩන හැම මොහොතෙම- හිස අතගා සනසවන්න..
කවුරු කොහොම ඇද කීවත් - හිතල මතල වැඩකරන්න...
ඇයට ඕනි හැම මොහොතෙම- එපා ඇයව තනිකරන්න
හැකි පමණට දූ පැත්තට- හොඳ කියන්න පුරුදුවෙන්න..
අළුත් අළුත් පැශන් වලින්- ඇඳුම් ටිකක් අරන් දෙන්න..
ටිකක් කොටට..ටිකක් හිරට- කැමති ඇඳුම් අරන් දෙන්න...
මාල වළළු මුදු කරාබු - බෑ නොකියා අරන් දෙන්න
රත්තරනින් නොවුන නමුත් - පබළු වුණත් ගෙනත්දෙන්න..
දූට ඕන කෑමජාති - හොඳම කඩෙන් අරන් දෙන්න
හෙමින් සැරේ ගෙදර ඉද්දි - හදා ගන්න කියා දෙන්න..
පාඩම් වැඩ තිබුණදාට - පාන්දරින් ඇහරවන්න..
ඒත් දිනක් දෙක්ක වුණත් - නිදා ගන්න ඉඩ හරින්න..
ගෙදර දොරේ වැඩපල ටික - හෙමින් සැරේ කියල දෙන්න..
ම *ර ව ම *ර ව කවදාවත් - එපා ඇගෙන් පිදුම් ගන්න...
අම්මා තාත්තා සීයා - ආච්චි ගැන කියා දෙන්න..
මව් පදවිය ලබන දාට - දිරිවඩන්න හයියදෙන්න...
මල් තියලා බුදුන් වැදලා - උගන්වන්න පින් කරන්න..
ජීවිතයම තනි හයියෙන් - අදින්නවෙයි කියා දෙන්න..
ගුණ ගරු කම් මනුස්ස කම් - හැකිපමණට උගන්වන්න..
මවු තුරුලෙන් සොබාධමට - ගරු කරන්න කියා දෙන්න..
තව නිවසක පහන වෙලා - යන කුලගෙය සරසවන්න...
දුවෙක් වෙලා නැන්දම්මට - සලකවන්න උගන්වන්න...
තාත්තවගෙ ස්වාමියෙක් - හොයාදෙන්න හිතාගන්න..
ඈ ගත්තොත් ඒ තීරණ - හොයල බලල කැමතිවෙන්න..
අම්මා නුඹ පමණක්මයි - වෙන නෑ ඒ බව සිතන්න..
අම්මේ නුඹ ළඟ පමණයි - ඇගෙ නිදහස ලබා දෙන්න...
කුළගෙය ම*ළ *ගෙයක්නොවී - සැප ලබන්න කියාදෙන්න..
අඩු ලුහුඬින් පිරුණ වුණත් -
ඉවසගන්න පුරුදු දෙන්න..
දුක් කඳුළැලි දරා ගන්න - එය ඉදිරියෙ හිනාවෙන්න...
මතක ඇතිව කියා දෙන්න- තවත් දුවක් බිහිකරන්න...
උපුටාගැන්මකි
Credit goes to Sudarshani Rathnasinghe