අඟල අඟල උස යනකොට
ලඟට ඇවිත් මනිනවා
තව පොඩ්ඩයි අම්ම ලඟට
එන්නට මට කියනවා

තුරුල් කරන් හැම තිස්සෙම
කම්ඹුල් මගෙ සිඹිනවා
මගෙ පන උඹ ලොකු වෙනකොට
ආඩම්බර හිතෙනවා
කරුණාබර හදවතකට
නුඹ හිමිකම් කියනවා
කීකරු කම හැමදාමත්
එක වගේම තියනවා
අම්මාගෙම පෙනුමට නෑ
කිසි වෙනසක් කියනවා
එතකොට නම් ඔය ඇස්වල
සතුට දෝරෙ ගලනවා
වැඩ්යෙන් ආදරෙ මං මගෙ
අම්මාටයි කියනවා
ඒ සෙනෙහස, ආදරයට
සීමා නෑ හිතෙනවා
ශක්තිය මට දවසක නුඹ
හිත සතුටින් පිරිනවා
කරට උසට පුතෙක් ඉතිං
පනට වඩා වටිනවා
යන එන තැන කොහේ ගියත්
මං වටේම එතෙනවා
සෙනෙහස මේ පපු තුරුලේ
උතුරන්නට තියනවා
වස්තුව මගෙ නුඹයි පුතේ
හැමදාමත් වටිනවා
හොඳ මිනිහෙක් වෙයන් දිනක
අම්ම බලන් ඉන්නවා.
අම්මා
Chamila Ushetti