අම්මා මෝස්තර දම දමා
හැඩ කරන කොණ්ඩෙ
හැඩි වුණත් ලස්සනයි කියන්නෙ තාත්‍තා නිසා.

බෝතල් මූඩි තද කරලා
හිනාවෙනකොට සැමියෙක්
එයාට දිව උරුක් කරල දුවගෙන යන්නෙ තාත්තා ළඟට නිසා.
පිට පිටම වැරදුණත් ජීවිතේ
අත නෑර අල්ලගත් ආදරේ
අතරමඟ වැටුණොතින්..
ඔසවගෙන හරි යන අත් දෙක
තාත්තට අයිති නිසා.
ආසම කෑමක් බීමක්
සිතුවිල්ලකට ආවත්
පහුවදා මේස උඩ තියෙන මන්තරේ
තාත්තා විතරක්ම දන්න නිසා.
ලෝකයක් පිටුපාල හැරුණත්
"මගෙ එකී මට වැඩි නෑ" බැල්මක්
හැමදාම දිලිසුනේ තාත්තාගෙ ඇස්වල නිසා.
අයියෙක් සැර කරනකොට
මල්ලියෙක් විහිළු කරනකොට
තුරුළු කරගන්න ආදරේ තාත්තගෙ නිසා.
"වැරදෙයි. බලාගෙන"
හැමෝම අනතුරු අඟවද්දි,
"මං හරි ගස්සන්නම් පුතේ" කියන්න ඉන්නෙ
තාත්තා විතරක්ම නිසා..
මේ සේරටම වඩා...
දුර ම දුර දිගු ගමන් යනකොට
විශ්වාසයෙන් සුරක්ෂිත
පිරිමි හෙවණැලි වැටෙන්නෙ තාත්තගෙන් නිසා
ඇත්තටම දුවලා තාත්තලාව මේ තරම් තදින් අල්ලගන්නේ ඇයි?
---------------------------------------
සංසාරේ ඒ තරම්ම දිග නිසා ළමයෝ. ❤️
13 මාර්තු 22'?
- රොෂෙල් -