පහ වසර ශිෂ්‍යත්ව විභාගය සැප්තැම්බර් මස 15 වැනි ඉරිදා පවත්වන බව විභාග කොමසාරිස් ජනරාල් අමිත් ජයසුන්දර මහතා පැවසීය.
පාසල්වලට සිසුන් තෝරා ගැනීමට හා ශිෂ්‍යාධාර ප්‍රදානයට පහ ශ්‍රේණිය සිසුන් සඳහා පැවැත්වෙන විභාගය – 2024 වසරට අදාළව අයදුම්පත් කැඳවීම මේ මස 27 වැනිදා සිට ජුනි මස 14 වැනිදා මධ්‍යම රාත්‍රී 12 දක්වා සිදු කරන බවත් මාර්ගගත ක්‍රමවේදයට අයැදුම්පත් කැඳවීම සිදු කරන බවත් ඒ මහතා පැවැසුවේය.
විභාගයට අදාළව අයැදුම් කිරීම සඳහා වන උපදෙස් සහ ව්‍යවස්ථාව https://onlineexams.gov.lk/eic වෙත පිවිසීමෙන් ලබාගත හැකි අතර රජයේ පාසලක හෝ රජය විසින් අනුමත පාසලක 5 ශ්‍රේණියේ ඉගෙනුම ලබන සිසුන්ට අයදුම් කළ හැක.
ශිෂ්‍යාධාර ලැබීමට සුදුසුකම් ලබනුයේ අඩු ආදායම් සහිත 2025 ජනවාරි 31 වැනිදාට වයස අවුරුදු 11ට අඩු දරුවන්ට පමණි. විශේෂ අවශ්‍යතා ඇති සිසුන් පිළිබඳව ඉල්ලුම් කළ යුතු ආකාරය ගැන උපදෙස් විස්තරාත්මකව මාර්ගගත උපදෙස් මාලාවේ සඳහන් කර තිබේ.