යාන්ඔය වම් ඉවුරු ඇළ ව්යාපෘතිය යටතේ ගොවිතැන අහිමිව අසරණව සිටි ගොවි පවුල් සඳහා සිය ආර්ථිකය යථාවත් කරගැනීම සඳහා කල්ගතවෙමින් පැවති 2020/21 මහ කන්නයේ සිට 2023 යල් කන්නය දක්වා වූ වන්දි ප්රදානය කිරීම පදවිපරාක්රමපුර බහු කාර්ය ගොඩනැගිලි ශ්රවණාගාරයේ දී පැවැත්විණ.
ඒ වාරිමාර්ග අමාත්ය රොෂාන් රණසිංහ මහතාගේ ප්රධානත්වයෙනි.
මෙහි දී පදවිය, පදවිශ්රීපුර, හොරොව්පතාන ,කැබිතිගොල්ලෑව හා ගෝමරන්කඩවල ප්රාදේශීය ලේකම් බලප්රදේශ ආවරණය වන පරිදි කන්න වන්දි ලෙස රු:මි:98.821ක් පවුල් 2680ක් සඳහා ද, පූර්ණ වන්දි ලෙස රු:මි:21.80ක් පවුල් 31ක් සඳහා ද වශයෙන් රු:මි: 77.81ක මුදලක් මෙහි දී ලබාදෙන ලද අතර, මාසික ජීවනාධාරයක් ලෙස පෙර ගෙවන ලද රු: මි: 11 ද සමගින් සම්පූර්ණ වන්දි වශයෙන් රු:මි: 88.81ක මුදලක් මෙම ව්යාපෘති වන්දි ලෙස ලබා දී ඇත.
වන්දි ලැබූ සියලු ගොවීන්ගේ මූලික ඉල්ලීම වී ඇත්තේ ගොවිතැන් කටයුතු නැවත ආරම්භ කිරීම සඳහා සුදුසු ඉඩම් කොටසක් ද ලබාදෙන ලෙසයි.
ඒ වෙනුවෙන් මෙහි දී වනසංරක්ෂණ හා වනජීවී දෙපාර්තමේන්තුවට අයත් වගාවට සුදුසු පහත් බිම් සහිත ප්රදේශයන් පිළිබඳව හැඳින්වීමක් ද කරමින් ඉල්ලීමක් ඉදිරිපත් වූ අතර, නිවැරදි හඳුනා ගැනීමක් කර, කැබිනට් මණ්ඩලයට යෝජනාවක් ඉදිරිපත් කිරීමට අදාල කටයුතු සිදුකරන ලෙස අමාත්යවරයා නිලධාරීන්ට උපදෙස් ලබා දී තිබේ.