කල්බදු සමාගමක සේවකයින් පිරිසකගේ අමානුෂික පහරදීමෙන් ඝාතනයට ලක් වු ලංකා ස්වයං රැකියා වෘත්තිකයින්ගේ ජාතික ත්‍රිරෝද රථ සංගමයේ සභාපති සුනිල් ජයවර්ධන මහතාගේ දේහයට ඊයේ (12) රාත්‍රියේ මෙන්ම අදත් මහජන නියෝජිතයින් අවසන් ගෞරව දැක්විය.
වාසුදේව නානායක්කාර, රියර් අද්මිරාල් ආචාර්ය සරත් වීරසේකර, හිටපු කථානායක කරූ ජයසුරිය ඇතුළු මහජන නියෝජිතයින් ඔහුගේ දේහයට අවසන් ගෞරව දැක්වීමට එක්විය.
මේ අතර ඒ මහතාගේ දේහය පිළිබඳ අවසන් කටයුතු හෙට (14) කැස්බෑව පොදු සුසාන භූමියේදි සිදු කිරිමට නියමතයි.