රුසියානු ජනපති වැලඩිමීර් පුටින්ගේ විශේෂ නියෝජිතයකු ලෙස විදේශ ඇමැති සර්ජි ලැව්රොව් ජනපති ගෝඨාභය රාජපක්‍ෂ මහතා සමග සාකච්ඡා පැවැත්වීම සඳහා මෙම 14 දා මෙරටට පැමිණෙයි.
මෙහිදී රුසියානු – ශ්‍රී ලංකා ආරක්‍ෂක සහයෝගිතාව ද ඇමෙරිකාව විසින් රුසියානු ආයුධ මිලයට ගැනීම ගැන පනවා ඇති සම්බාධක ගැන ද සාකච්ඡාවකට යොමුවන බව රජයේ ඉහළ පෙළේ ආරංචි මාර්ග පැවසීය.
ශ්‍රී ලංකා ගුවන් හමුදාව එම්. අයි. 17 වර්ගයේ රුසියානු ප්‍රවාහන හෙලිකොප්ටර් භාවිත කරන අතර එම සම්බාධක යටතේ අමතර කොටස්‌ ලබාගැනීමට ද තහනම් වේ.
එහෙත් රුසියාව විසින් ශ්‍රී ලංකාවට සෘජුව අමතර කොටස්‌ සැපයීමට එකඟ වී ඇත.
ලැව්රොව් මහතා මෙරටදී අගමැති මහින්ද රාජපක්‍ෂ සහ ආරක්‍ෂක බලධාරීන් ද හමුවීමට නියමිතය.
(Lanka Leads)